Cəlilabad sakininin nazirə müraciətinə REAKSİYA – “Bu istiqamətdə müsbət nəticə əldə olunmayıb...”
![Cəlilabad sakininin nazirə müraciətinə REAKSİYA – “Bu istiqamətdə müsbət nəticə əldə olunmayıb...”](/frontend/uploads/files_son/din-yeni.jpg)
Hurriyyet.az saytında dərc olunan “8 baş inəyi oğurlanan Cəlilabad sakinindən nazirə müraciət” sərlövhəli yazıya Daxili İşlər Nazirliyindən reaksiya verilib. DİN-in Mətbuat Xidmətinin Lənkəran regional qrupundan Hurriyyet.az-a bildirilib ki, vətəndaşın 8 baş inəyinin oğurlanması ilə bağlı həyata keçirilmiş tədbirlərə baxmayaraq, hələ bu istiqamətdə müsbət nəticə əldə olunmayıb:
“Cəlilabad rayon sakini İzzət Dünyamalıyevin yaşadığı Soyuqbulaq kəndinin otlaq sahəsindən 8 baş iribuynuzlu heyvanın oğurlanması ilə bağlı müraciəti əsasında 17.08.2018-ci ildə Rayon Polis Şöbəsində cinayət işi başlanılaraq istintaqı aparılıb, zəruri istintaq hərəkətləri və əməliyyat-axtarış tədbirləri həyata keçirilib. Lakin həyata keçirilmiş tədbirlərə baxmayaraq bu istiqamətdə müsbət nəticə əldə olunmayıb.
Vətəndaş İ.Dünyamalıyev dəfələrlə Cəlilabad RPŞ-nin rəhbərliyi tərəfindən qəbul edilib və ona cinayəti törətmiş şəxslərin müəyyən olunması istiqamətində həyata keçirilən tədbirlərin nəticəsi izah edilib.
Hazırda fakt üzrə əməliyyat-axtarış tədbirləri davam etdirilir”.
Jalə FAMİLQIZI
Hurriyyet.az
![](/frontend/uploads/files_son/QAZ12.jpg)