Zurabişvili: Ruslar öz evlərində olmadıqlarını unutmamalıdırlar

“Gürcüstan Moskvadan gələn hibrid müharibə təhlükəsindən qorxur, ona görə də hakimiyyət ölkədə yaşayan rusları yoxlamalıdır”.

Hurriyyet.az xəbər verir ki, bunu ölkə prezidenti Salome Zurabişvili Fransanın RFI radiosuna müsahibəsində bildirib. O, rusiyalı mühacirlərin Gürcüstan iqtisadiyyatına töhfə verdiyini, lakin gürcü mədəniyyətinə inteqrasiyada maraqlı olmadıqlarını etiraf edib.

“Bizdə elə bir hiss var ki, onlar özlərini evdəki kimi aparırlar, bəlkə də əvvəllər (SSRİ dövründə) necə olduğunu xatırlayırlar. Xüsusilə də belə bir hiss var ki, onların ölkəyə girişinə kifayət qədər nəzarət olunmur. Və biz bilmirik ki, bu kütlə arasında ölkəyə kimlər daxil ola bilər”, - Zurabişvili deyir.

Ülviyyə ŞÜKÜROVA

Hurriyyet.az