Zibilxanadan pul qazanmağa çalışan işsizlərə "oğru" damğası vuruldu - UCARDA MƏMUR ÖZBAŞINALIĞI

2022-09-01 12:54:00

Zibilxanadan pul qazanmağa çalışan işsizlərə

Ucar sakini Allahverdi Səlimovun Hurriyyet.az-a verdiyi məlumata əsasən, rayon sakinlərinə qarşı adları hazırda bizə məlum olmayan bəzi məmurlar tərəfindən özbaşınalıq edilir.

Onun redaksiyamıza göndərdiyi videolardan aydın olur ki, rayonda “mərkəzi zibilxana" adlanan yerdə işləyən mühafizəçi bəzi vətəndaşların orada gündəlik qazancları üçün əldə etdikləri çörək puluna mane olur. Mühafizəçidən bunun səbəbini soruşan sakinlər “yuxarıdan belə tapşırıq verdildiyi” cavabını alırlar.

Şikayətçilər deyir ki, yığdıqları bəzi tullantı məhsullarını aparıb şəhərdə satıb, çörək pulu qazanmağa çalışırlar. Başqa yol tapa bilmədiklərini və ailələrini necə dolandıracaqlarını bilmədikləri üçün zibilxanadan tullantıları yığıb satmaq qərarına gəliblər.

Bir müddət keçdikdən sonra vətəndaşlar gözlərinin şahidi olublar ki, tullantılar həmin zibillikdə dərin quyular qazılıb orada basdırılır. Bəs görəsən işsiz, sadə vətəndaşların evinə, ailəsinə çörək pulu aparmasına kimlər icazə vermir?

Üstəlik, zibilxanadan götürüb satdıqları vasitələr görə sakinlərə “oğurluq edirsiz” deyilir.

Qeyd edilir ki, bu barədə "102"yə məlumat verilib. Polis işə baxıb, araşdırmalar gedir.

Onu da qeyd edək ki, zibilxanadan tullantı vasitələri yığan insanların əksəriyyəti məşğulluq idarəsində qeydiyyatda olanlardır.

Jalə FAMİLQIZI

QEYD: Qarşı tərəfin də mövqeyini dərc etməyə hazırıq.

 


Ada Studiya

Ailə, uşaq, fərdi, hamilə, cütlük və ad günü çəkilişləri.
Əlaqə: 0557949055
İnstagram: _ada_studio
Tiktok: adastudiya


Load Time (S) : 0.067438