Zəlzələ nəticəsində 7,3 metr yerdəyişmə olub

Hurriyyet.az CNN Türk kanalına istinadla xəbər verir ki, Türkiyənin Təbii Fəlakət və Fövqəladə Hallar İdarəsinin (AFAD - Afet ve Acil Durum Yönetimi Başkanlığı) zəlzələ riski və azaldılması şöbəsinin müdiri Orhan Tatar mətbuat konfransındakı açıqlamasında deyib: “Bu zəlzələ Şərqi Anadolu coğrafiyasının son 3 min ərzində məruz qaldığı ən böyük zəlzələdir. Bu 2 zəlzələnin ümumi təsir müddəti 2 dəqiqə olub. Dərinliyi orta hesabla 8,5 ilə 10 km arasındadır. Yer qabığında 7,3 metrədək yerdəyişmələrin olduğu barəsində məlumat var. Şərqu Anadolu tektonik çatının 5 ayrı parçası bu zəlzələ nəticəsində sınıb”.

Orhan Tatar bildirib ki, müşahidələrə görə, 2 zəlzələ nəticəsində yerin səthində 400 km uzunluqda yarıq yaranıb. Meydana çıxan enerji ümumilikdə 30 kvadrilyon coul böyüklüyündədir.

Hürr Tərcüman