Zaxarovanın mesajı Azərbaycan üçün yaxşı xəbər deyil:“Prosesi uzatmaq istəyi...”

2022-04-28 20:02:00

Zaxarovanın mesajı Azərbaycan üçün yaxşı xəbər deyil:“Prosesi uzatmaq istəyi...”
Rusiya Xarici İşlər Nazirliyinin (XİN) rəsmi nümayəndəsi Mariya Zaxarova brifinq keçirib. O qeyd edib ki, yaxın vaxtlarda Rusiya, Ermənistan və Azərbaycan baş nazirlərinin müavinlərinin həmsədrliyi ilə Qarabağ üzrə üçtərəfli işçi qrupunun görüşü keçiriləcək, həmçinin bu həftənin sonunadək Xarici İşlər Nazirliyinin xətti ilə Bakıda təmasların keçirilməsi planlaşdırılır:
 
“Nəticə verən formatlarda görülən real iş göz qabağındadır. Biz mövcud olan formatlarda qalırıq. Biz real nəticə verən sənədlərin formatlarına və həyata keçirilməsinə əhəmiyyət veririk. Bu nəticəni mülki şəxslər, təsərrüfat subyektləri, bütövlükdə region hiss edir”.
 
Qeyd edək ki, Azərbaycan və Ermənistan liderlərinin Brüsseldə Avropa İttifaqı Şurasının Prezidenti Şarl Mişel vasitəçiliyi və təşəbbüsü ilə baş tutan görüşündən sonra Rusiyanın bu yöndə fəallığı artıb.
Mövcud duruma dair fikirlərini "Sherg.az"la bölüşən politoloq Əhəd Məmmədli Rusiyanın görüşlərinin intensivləşməsinin mahiyyətini açıqlayıb:
 
"Brüssel görüşü ruslarda ciddi narahatlıq doğurub. Həmin toplantıda Paşinyan pozitif fikirlər səsləndirmişdi. Amma Moskvaya gedib gələndən sonra əvvəlki vəziyyətinə, Şuşada yallı oynadığı vaxtlara qayıtdı. 
 
Rusiya Avropanın vasitəçiliyi ilə Azərbaycanla Ermənistan arasında sülh müqaviləsinin imzalanmasında maraqlı deyillər. Guya, danışıqlar adı ilə İrəvan və Bakı ilə təmas qurub, təyziqləri artırırlar. İrəvanın yenidən ipə-sapa yatmayan mövqeyini görməliyik. 
 
Azərbaycan üçün yaxşı xəbər deyil. Rəsmi Moskvanın sülh müqaviləsinin bağlanması əvəzinə tərəflər arasındakı münaqişəni yenidən dondurub, uzatmaq istəyi var"

Ada Studiya

Ailə, uşaq, fərdi, hamilə, cütlük və ad günü çəkilişləri.
Əlaqə: 0557949055
İnstagram: _ada_studio
Tiktok: adastudiya