Yenidoğulanların əsas ÖLÜM səbəbləri
Yenidoğulmuşlarda ən çox ölümə səbəb olan xəstəliklər açıqlanıb.
Hurriyyet.az Modern.az-a istinadən xəbər verir ki, Səhiyyə Nazirliyinin pediatriya sahəsi üzrə mütəxəssis-eksperti Erkin Rəhimov deyib ki, ən çox ağırlaşma və ölüm halları məhz yenidoğulma dövründə qeydə alınır.
E.Rəhimovun sözlərinə görə, həmin müddətdə körpələrdə daha çox tənəffüs və ürək problemləri müşahidə olunur:
“Bir körpə nəfəs almaqda çətinlik yaşayırsa, bu, tənəffüs probleminin əlaməti ola bilər. Yenidoğulma zamanı sarılıq problemləri də müşahidə olunur. Qıcolma, göyərmə və uşağın sidiyə çıxmaması təhlükə mənbəyidir. Ümumilikdə yenidoğulanların 70 %-də sarılıq müşahidə olunur”.
O qeyd edib ki, vaxtından əvvəl doğulanlarda bu, daha çox qeydə alınır: “Sarılığın ən böyük təhlükəsi beyinə keçməsi və ciddi fəsada səbəb olmasıdır”.