"Xalq artisti" adından məhrum edildi

Xəbər verdiyimiz kimi, Ukraynanın Xalq artisti Ani Lorak Rusiya vətəndaşlığı alıb. 
Məlumata görə, Lorakın adı "Mirotvorets" (red. - "Ukraynanın düşməni" hesab edilən şəxslərin siyahısının dərc olunduğu sayt) məlumat bazasına daxil edilib. O, Ukraynanın sanksiyalarına məruz qalıb. Bu barədə Ukrayna Prezidenti Volodimir Zelenski fərman imzalayıb.
Sanksiyalar arasında aktivlərin bloklanması, ticarət əməliyyatlarına qadağa və Ukrayna ərazisindən kapitalın çıxarılması daxildir. Bundan əlavə, Lorak dövlət mükafatlarından və ölkənin "Xalq artisti" fəxri adından məhrum edilib.
Qeyd edək ki, Ani Lorak Ukraynanı tərk edib və son illər Rusiyada yaşayır./Axşam.az