Volodimir Zelenski: “Ukrayna tezliklə qələbə çalacaq“

2022-06-22 16:35:00

Volodimir Zelenski: “Ukrayna tezliklə qələbə çalacaq“

“Rusiyanın amansız müharibəsinə baxmayaraq, Ukraynanın demokratik təsisatları qorunub saxlanılıb. Birgə səylər nəticəsində tezliklə qarşı tərəf üzərində qələbə olacaq”. 

Hurriyyet.az “Report”-a istinadən xəbər verir ki, bu fikirləri Ukraynanın dövlət başçısı Volodimir Zelenski “Ukraynanı qucaqlayın” xeyriyyə telemarafonunun iştirakçılarına müraciətində deyib.

“İnanıram ki, biz müharibəni ən qısa vaxtda qələbə ilə bitirə bilərik. Vahid Avropa istənilən diktaturadan güclüdür. Hətta belə amansız müharibə zamanı da Ukraynanın demokratik institutları qorunub saxlanılıb”, - o bildirib.

Zelenski Avropa İttifaqının Ukrayna ilə bağlı tarixi qərarına sayılı günlər qaldığını qeyd edib və bu qərarın müsbət olacağına əminliyini vurğulayıb: “Biz buna layiqik. Rusiya bombaları şəhərləri yerlə-yeksan edir, rus əsgərləri minlərlə dinc sakini öldürür, Rusiya dövləti hətta ukraynalıları kütləvi surətdə deportasiya edir. Bu nədir? Bu, Rusiyanın bütün azad Avropaya, ümumi dəyərlərimizə qarşı hücumudur. Dəyərlərimizin məhv edilməsinə imkan verməyəcəyik”. 


Ada Studiya

Ailə, uşaq, fərdi, hamilə, cütlük və ad günü çəkilişləri.
Əlaqə: 0557949055
İnstagram: _ada_studio
Tiktok: adastudiya