Vaxt bəlli oldu - İran, Rusiya və Çin təmsilçiləri Moskvada toplaşırlar
2025-04-07 15:26:20
Hurriyyet.az "Vestnik Kavkaza" portalına istinadla xəbər verir ki, Rusiya, Çin və İran nüvə məsələsini Moskvada müzakirə edəcəklər. 7-8 aprel tarixlərində keçiriləcək üçtərəfli danışıqların diqqət mərkəzində nüvə proqramı olacaq.
Bu barədə İran İslam Respublikasının Xarici İşlər Nazirliyinin təmsilçisi İsmayıl Bəqai məlumat verib.
Diplomat deyib: "Bu gün və ya sabah Moskvada üç ölkə formatında növbəti danışıqlar aparılacaq. Görüşdə Rusiya, Çin və İran təmsilçiləri nüvə proqramı, Birgə Hərtərəfli Fəaliyyət Planı və BMT Təhlükəsizlik Şurasının 2231 saylı qətnaməsi ilə bağlı müxtəlif məsələləri müzakirə edəcəklər.
Hürr Tərcüman
