Vatsapdakı bu funksiya işinizi asanlaşdıracaq

Vatsapda mətnin formatlaşdırılması ilə bağlı yeni funksiya olacaq.

Bu barədə “WABetaInfo” portalı məlumat yayıb.

Bildirilir ki, tətbiqdə bəzi mətn elementlərinin avtomatik formatlaşdırılması funksiyası olacaq. Məsələn, ekspertlərin dediyinə görə, linklər və telefon nömrələrinin altından xətt çəkiləcək, qrupların qeydləri isə qalın şriftlə yazılacaq,

Güman edilir ki, yeni variant istifadəçilərə yazışmalarda vacib məlumatları tez tapmağa kömək edəcək. Bundan əlavə, çat iştirakçıları hansı məlumatın interaktiv olduğunu başa düşəcək və onunla daha aktiv şəkildə qarşılıqlı əlaqədə olmağa başlayacaqlar.