Vasif Talıbov İqbal Ağazadəyə lütf göstərib? - AÇIQLAMA

2022-12-07 17:22:00

Vasif Talıbov İqbal Ağazadəyə lütf göstərib? - AÇIQLAMA

Naxçıvan Muxtar Respublikasında müxalif və iqtidaryönlü partiyalar içərisində yalnız Ümid Partiyasının Naxçıvan şəhərində qərargahı fəaliyyət göstərir.

Hurriyyet.az bildirir ki, bu barədə Axar.az-a Naxçıvanda olan şəxslərdən biri məlumat verib.

Onun sözlərinə görə, Vasif Talıbovun Ümid Partiyasına bu “lütfü”nün səbəbi haqda müxtəlif iddialar səsləndirilir, hətta bəziləri biznes ortaqlıqlarından da bəhs edir.

Bununla bağlı sualı cavablandıran Ümid Partiyası sədrinin təbliğat və informasiya məsələləri üzrə müavini Tamilla Qulami deyib ki, bu iddia əsassızdır:

“Ümid Partiyasının Naxçıvan Muxtar Respublikasında qərargahı yoxdur. Partiyanın Naxçıvanda sadəcə olaraq rayon təşkilatı var”.

Partiya sədri İqbal Ağazadənin Naxçıvan Muxtar Respublikasının Ali Məclisinin sədri Vasif Talıbovla şəxsi əlaqəsinə gəlincə, o bildirib ki, İ.Ağazadənin istənilən şəxslə münasibəti ola bilər:

“İqbal Ağazadənin istənilən şəxslə münasibəti ola bilər, amma bu münasibət onun siyasi fəaliyyətinə təsir göstərmir. İqbal Ağazadə Azərbaycan Milli Məclisində deputat olub. Onun Azərbaycanda bir çox şəxslə əlaqəsi var, amma yenə də deyirəm bu, Ümid Partiyasının fəaliyyətinə təsir etmir”.


Ada Studiya

Ailə, uşaq, fərdi, hamilə, cütlük və ad günü çəkilişləri.
Əlaqə: 0557949055
İnstagram: _ada_studio
Tiktok: adastudiya


Load Time (S) : 0.163292