ÜST-dən meymunçiçəyi ilə bağlı XƏBƏRDARLIQ - SON DURUM

2022-07-27 15:25:00

ÜST-dən meymunçiçəyi ilə bağlı XƏBƏRDARLIQ - SON DURUM

Ümumdünya Səhiyyə Təşkilatı (ÜST) meymunçiçəyi xəstəliyinə yoluxma hallarının ən çox yayıldığı ölkələrin adını açıqlayıb.

Hurriyyet.az Publika.az-a istinadən xəbər verir ki, bu barədə ÜST-ün fövqəladə hallar proqramının Meymunçiçəyi ilə Mübarizə üzrə Katibliyinin rəhbəri Rosamund Lyuis danışıb. O bildirib ki, virus ən çox İspaniyada yayılıb. Lyuisin sözlərinə görə, indiyədək 3 min 125 yoluxma halının qeydə alındığı İspaniyada vəziyyət olduqca ciddidir.

“Dünyada meymunçiçəyinə yoluxma sayına görə ABŞ ikinci yerdədir. Birləşmiş Ştatlarda virusa 2 min 316 nəfər yoluxub. Almaniyada bu rəqəm 2 268, Britaniyada 2 137, Fransada 1 453, Niderlandda 712 təşkil edir. ÜST-ün indiyədək dünya üzrə təsdiq etdiyi 16 mindən çox yoluxma halının 11 mindən çoxu Avropa ölkələrində qeydə alınıb. Eyni zamanda virus hələ də yayılmaqda davam edir”, - ÜST rəsmisi sonda qeyd edib.


Ada Studiya

Ailə, uşaq, fərdi, hamilə, cütlük və ad günü çəkilişləri.
Əlaqə: 0557949055
İnstagram: _ada_studio
Tiktok: adastudiya


Load Time (S) : 0.000090