Üç liderdən Zelenskiyə təklif – Kiyevə bu istəklə gəliblər

2022-06-17 09:26:00

Üç liderdən Zelenskiyə təklif – Kiyevə bu istəklə gəliblər

"Ukrayna üçün "güzəşt" ərazilərin itirilməsi və işğalla barışmaq deməkdir".

Hurriyyet.az xəbər verir ki, bunu politoloq Elxan Şahinoğlu deyib.

Ekspert Rusiya-Ukrayna müharibəsi ətrafındakı son gəlişmələrə münasibət bildirib:

"Qərb Rusiyanın Ukraynaya qarşı işğalçı müharibəsinin ilk günlərində vahid mövqedən çıxış edərək, rus ordusunun dayandırılması və Kiyevə hərbi dəstəyin artırılmasının vacibliyini bildirirdi. Hazırda bu yekdillik yoxdur. Qərb sözdə yenə Ukraynanın yanında olduğunu desə də, əməldə ikitirəlilik yaranıb. ABŞ, Böyük Britaniya və Polşanın simasında bir qrup ölkə Ukraynaya hərbi yardımın artırılması və Rusiyanın məğlubiyyətə uğradılmasına çalışır. Fransa, Almaniya, İtaliyanın simasında digər qrup isə Ukraynanın güzəştə getməsini və bununla müharibənin sona çatdırılmasını istəyir. Ancaq Ukrayna üçün "güzəşt" ərazilərin itirilməsi və işğalla barışmaq deməkdir.

Görünür, Ukraynanın ərazi bütövlüyünü və suverenliyini itirməsi Paris və Berlini az narahat edir. Onlar üçün əsas odur ki, nə yolla olur-olsun müharibə dayandırılsın, Kreml razı salınsın və Rusiyadan enerji ixracı davam etsin.

Fransa prezidenti, İtaliya baş naziri və Almaniya kanslerinin bu gün Kiyevə başlayan səfəri də Kiyevi mümkün "güzəştlərə" dəvət etməkdir. Ukrayna Prezidenti Vladimir Zelenski onların təklif etdiyi "güzəştə" hazır deyil".


Ada Studiya

Ailə, uşaq, fərdi, hamilə, cütlük və ad günü çəkilişləri.
Əlaqə: 0557949055
İnstagram: _ada_studio
Tiktok: adastudiya