Türkiyənin müdafiə naziri: "İran PKK terrorçuları üçün təhlükəsiz sığınacaga çevrilib"

Türkiyə Müdafiə Naziri Yaşar Gülər PKK üzvlərinin “sərhədi keçərək İrana üz tutduqlarını” deyib, lakin İslam Respublikası bunu təkzib edir. Onun sözlərinə görə, davamlı müzakirələrə baxmayaraq, bununla bağlı heç bir nəticə əldə olunmayıb.
Nazir çıxışında İranın PKK terrorçularına münasibətdə ikili davranışına reaksiya verərək deyib: "Biz İran sərhədində terrorçularla vuruşuruq, sərhədi keçirlər, iranlı dostlarımıza deyirik ki, onlar bu nöqtəni keçiblər, dronla onları izləyirik.
İranlı dostlarımız isə cavab verirlər ki, biz əraziyə nəzarət edirik, orada terrorçu yoxdur.  
Bu, yaxşı yanaşma deyil. Biz burada iranlı dostlarımızla görüşürük. Hər dəfə buna müsbət yanaşırlar, amma nəticə əldə etmirik".

Ülviyyə, Hurriyyet.az