Türkiyədəki etirazlarda 1418 aksiyaçı saxlanıldı
2025-03-25 20:54:10
Son 6 gündə Türkiyədəki etiraz aksiyalarında 1418 şübhəli saxlanılıb.
Bu barədə Türkiyənin daxili işlər naziri Ali Yerlikaya sosial hesabında paylaşım edib.
“Küçələrdə terror törətməyə cəhd edənlərə heç vaxt güzəştə getməyəcəyik. Martın 19-dan bu yana keçirilən qanunsuz nümayişlərdə 1418 şübhəli saxlanılıb. Hazırda 979 şübhəli həbsdə olsa da, terrora cəhd edənlərin 478 nəfəri bu gün məhkəməyə çıxarılacaq.
Milli-mənəvi dəyərlərimizi, polislərimizi, prezidentimiz Ərdoğanın rəhmətlik anasını və ailəsini təhqir edənləri bir daha lənətləyirəm. Təhlükəsizlik qüvvələrimiz millətimizin əmin-amanlığını və təhlükəsizliyini 7/24 qoruyacaq”, - türkiyəli nazir vurğulayıb.
"Cebheinfo.az"
