Tənzilə Rüstəmxanlının ən güclü rəqibi məlum oldu - FOTO

Məlum olduğu kimi, 9 avqustdan etibarən 1 sentyabr tarixində keçiriləcək növbədənkənar parlament seçkiləri üçün təşviqat kampaniyasına start verilib. Bu dəfə Milli Məclisdə deputat kürsüsü uğrunda mübarizə aparanlar arasında maraqlı adlar var.

Seçki ərəfəsi diqqət çəkən dairələrdən biri 70 saylı Neftçala seçki dairəsidir.

Belə ki, 70 saylı seçki dairəsinin namizədləri arasında Vətəndaş Həmrəyliyi Partiyası sədrinin müşaviri Tənzilə Rüstəmxanlı da var. Xanım Rüstəmxanlı seçkilərə "Neftçala üçün birlikdə!" şüarı ilə qoşulub.

Sözügedən seçki dairəsində Tənzilə Rüstəmxanlının rəqiblərindən biri isə ictimai fəal Vəfa Nağıyevadır (Nağı).

V.Nağı seçkilərdə "İndi VƏFA vaxtıdır!" şüarı ilə qalib gələcəyinə əminlik nümayiş etdirir.

70 saylı seçki dairəsində Rüstəmxanlı və Nağıyevanın rəqibləri YAP üzvü Fərhad Baxış, AXCP üzvü Mircəlal Həmzəyev, KXCP üzvü Qaraş Əliyev, Elm və Təhsil Nazirliyinin Fizika İnstitutunun elmi işçisi Sevinc Ağaliyeva, Neftçala rayonu V.Soltanov adına Kürkənd kənd orta məktəbinin Uşaq Birliyi Təşkilatının rəhbəri Rəna İmanzadə, Səbail rayon Mərkəzləşdirilmiş Kitabxana Sisteminin 1 nömrəli kitabxana filialının baş kitabxanaçısı Susana Məmmədova, sahibkar Qəhrəman Tahirov, vətəndaş Razim Kərimovdur. Namizədlər arasında N.Nağı güclülərdən hesab olunur. Göründüyü kimi, həmin dairə seçkilər diqqət mərkəzində olacaq və digər əsas iddialı şəxsin - T.Rüstəmxanlının qalib gəlməsi asan başa gəlməyəcək. \\Pravda.az