“Tələbələrinin sinəsinə baxan akademik universitetdən qovuldu...” - RƏZALƏT...

Uelsdəki bir universitetdə İngilis dili müəllimi olan Bay Taylor adlı müəllim qız tələbələrinin sinəsinə baxdığına görə işdən qovulub.

Hurriyyet.az Moderator.az-a istinadən xəbər verir ki, İngiltərədə baş verən bu hadisə böyük müzakirələrə səbəb olub. Lakin Taylor məhkəmədə bunun bir anlaşılmazlıq olduğunu və linzalarından belə göründüyünü iddia edib. Amma məhkəmə müəllimin dediklərinə inanmayıb. 

Bildirilir ki, Landrillo Menai adlı universitetdə 18-22 yaşlı bir qrup tələbə qız universitet rəhbərliyinə şikayət edərək ingilis dili bölməsində akademik Taylorun onlara təcavüz etdiyini bildirib. Onlar bununla bağlı universitet rəhbərliyindən dərhal ciddi tədbirlər görülməsini tələb ediblər. Hadisə məhkəməyə qədər gedib çıxıb, şahidlər dinlənilib və məhkəmənin qərarı ilə akademik universitetdən qovulub. 

Qeyd olunur ki, Taylor daha öncə də qız tələbələrinə qarşı kobud rəftarına görə ona universitet rəhbərliyi tərəfindən xəbərdarlıq edilib.