Spiker: "Avropa İttifaqına daxil olsaq, Gürcüstan iqtisadiyyatı çökər"

Hurriyyet.az "Vestnik Kavkaza" nəşrinə istinadla xəbər verir ki, Gürcüstan parlamentinin spikeri Şalva Papuaşvili respublikanın tezliklə Avropa İttifaqına daxil olacağı təqdirdə, ölkə iqtisadiyyatının məhv olacağını bildirib.
Spiker deyib: "Əgər biz indi Aİ üzvü olsaq, dərhal qüvvəyə minəcək məhdudiyyətlər üzündən öz iqtisadiyyatımızı tamamilə dağıtmış olarıq".
Hakim "Gürcü arzusu"nun üzvü olan Papuaşvilinin sözlərinə görə, Aİ-yə münasib vaxtda daxil olmaq lazımdır ki, bu addım zərər yox, fayda gətirsin, Gürcüstan bundan uduzmasın, udsun.
Papuaşvili öz fikrini izah edib. Xatırladıb ki, Gürcüstan hazırda dünyanın bir çox ölkələri, o cümlədən MDB dövlətləri ilə azad ticarət rejimindədir. Bundan başqa, bir çox ölkələrlə vizasız rejim qüvvədədir. Ölkə Aİ-yə daxil olarsa, Avropa İttifaqının qanunları qüvvəyə minəcək. Həmçinin, Aİ-yə məxsus viza rejimi bərqərar olacaq. 
Xatırladaq ki, ötən lin dekabrında Gürcüstan Aİ üzvlüyünə namizəd statusu alsa da, 2024-cü ildə ittifaq ilə respublika arasındakı münasibətlər pisləşib. Tbilisinin xarici agentlər barəsində qanunu qəbul eləməsi Aİ-də güclü rezonans doğurub.
Hürr Tərcüman