Şoyqu: "İstanbul bütün istiqamətlərdə əsas meydana çevrilir"

Hurriyyet.az xəbər verir ki, RF Təhlükəsizlik Şurasının katibi Sergey Şoyqu Türkiyənin Moskva ilə Kiyev arasında danışıqların təşkili üçün göstərdiyi səyləri yüksək qiymətləndirib, İstanbulun Rusiya ilə Ukrayna arasında əsas danışıqlar meydanı statusu aldığını bildirib.
Şoyqu deyib: "İstanbul meydanı bütün istiqamətlərdə, o cümlədən, Qara dəniz razılaşması, taxıl müqaviləsi, həm də Rusiya-Ukrayna danışıqları sahəsində əsas danışıqlar meydanına çevrilir".
Şoyqu Türkiyənin Milli Təhlükəsilik Şurasının Baş katibi Okay Memiş ilə görüşü zamanı danışıqlar prosesinin təşkilində iştirakına, o cümlədən nümayəndə heyətinin təhlükəsizliyinin təminatı üçün şərait yaradıldığına görə Ankaraya minnətdarlığını bildirib. 
Rusiya Təhlükəsizlik Şurasının katibinin sözlərinə görə, Moskva ilə Akara arasında dialoq müxtəlif sahələrdə inkişaf edir.
Hürr Tərcüman