Saat:15:53
Haqqımızda

"Son insident Paşinyanı qısa müddətdə sülh sazişini imzalamağa həvəsləndirməlidir" - ELXAN ŞAHİNOĞLU

2024-02-13 12:31:56

"Azərbaycan üçün Ermənistan ordusunun kimlərə tabe olmasının fərqi yoxdur, istəyir Rusiya və ya istəyir Paşinyan olsun, təxribata adekvat cavab veriləcək"

"Ermənistanın baş naziri Nikol Paşinyan açıqlamalarının birində demişdi ki, orduda 5-ci kolon mövcuddur. Aydındır ki, o bunu deyəndə Rusiyanı nəzərdə tutub. Nikol Paşinyan təhlükəsizlik sahəsində nə qədər Qərbə yaxınlaşmaq istəsə də, ordusunun zabit heyəti Sovet və Rusiya hərbi məktəb və akademiyalarının məzunlarıdır və bu heyətin bir hissəsi Rusiya hərbi kəşfiyatına bağlıdır. Odur ki, bu zabitlər Moskvadan gələn istənilən əmri yerinə yetirə bilərlər". Hurriyyet.az xəbər verir ki, bunu "Atlas" Araşdırmalar Mərkəzinin rəhbəri, politoloq Elxan Şahinoğlu qeyd edib.

Politoloq hesab edir ki, Azərbaycan hərbçilərinə atəş açılması həmin zabitlərin tərxibatına oxşayır: "Burada məqsəd bölgədə vəziyyəti gərginləşdirmək və baş nazir Nikol Paşinyanın mövqelərini zəiflətməkdir. Azərbaycan üçün Ermənistan ordusunun kimlərə tabe olmasının fərqi yoxdur, istəyir Rusiya və ya istəyir Paşinyan olsun, təxribata adekvat cavab veriləcək. Əslində son təxribat Paşinyanı ciddi düşündürməlidir. Birincisi, həmin silahlar bir gün onun hakimiyyətinə də tuşlanacaq. İkincisi, baş nazir tərxibatın arxasındakı gücləri neytrallaşdırmağa çalışmalıdır, əks halda bu onun özü və ölkəsi üçün daha ağır nəticələrə yol açacaq. Son insident Paşinyanı Azərbaycanla qısa müddətdə sülh sazişini imzalamağa da həvəsləndirməlidir. Sülh sazişinin imzalanması yubandıqca Ermənistan ordusundakı təxribatçılar Paşinyana başqa problemlər də yaradacaq".

Vazeh BƏHRAMOĞLU,

Hurriyyet.az

1954-cü ildə istehsal olunan “Qaz 12” SATILIR – ONDAN XRUŞOV DA İSTİFADƏ EDİB / FOTOLAR