SON DƏQİQƏ! “Leyla Medical Center”də ərəb turist öldü

2022-07-27 20:17:00

SON DƏQİQƏ! “Leyla Medical Center”də ərəb turist öldü

"Leyla Medical Center" baş vermiş ölüm hadisəsi ilə bağlı rəsmi açıqlama verib.

Açıqlamada deyilir:

"Nəzərinizə çatdırmaq istərdik ki, 26.07.2022-ci il tarixində 15:48-də Təcili Tibbi Yardım vasitəsilə mərkəzimizə digər özəl tibb müəssisələrin birində müalicə alan, lakin vəziyyəti ağırlaşan pasiyent (Səudiyyə Ərəbistan vətəndaşı Muteb Almadui Saeed) təxliyə olunub.

Mərkəzimizə çatdırılan xəstənin vəziyyəti ilkin müayinə əsasında kəskin ağır olaraq dəyərləndirilib (huşu soporoz, dəri və selikli qişaları kəskin avazımış, tənəffüsü taxipnoe tipli, Arterial təzyiqi 34:16, ürək döyüntüləri 106).

Mərkəzimizə köçürülən pasiyent dərhal reanimasiya şöbəsinə yerləşdirilib və vəziyyətinə uyğun olaraq müvafiq təyinata əsasən müalicəyə başlanılıb. 18:45-də xəstənin ürək fəaliyyəti dayanmış, aparılan bütün tibbi müdaxilələrə baxmayaraq 19:10-da isə bioloji ölüm qeydə alınıb.

"Leyla Medical Center"də baş verən bu halla bağlı aidiyyatı orqanlara məlumat verilib və lazımi tədbirlər görülüb.

Bakıda özəl klinikada ərəb turist ölüb.

Hadisə "Leyla Medical Center"də baş verib.

Belə ki, "Renaissance Palace Baku" hotelində qalan Səudiyyə Ərəbistanı Krallığının vətəndaşı 1998-ci il təvəllüdlü Almadui Muteb Saeedin iyulun 26-da günorta saatlarında vəziyyəti pisləşib.

O, klinikaya yerləşdirilsə də, həyatını xilas etmək mümkün olmayıb.

Hazırda faktla bağlı araşdırma aparılır. \\Report


Ada Studiya

Ailə, uşaq, fərdi, hamilə, cütlük və ad günü çəkilişləri.
Əlaqə: 0557949055
İnstagram: _ada_studio
Tiktok: adastudiya


Load Time (S) : 0.064134