Şolts: Ukraynada atəşkəsə hələ çox var

Ukraynada hərbi əməliyyatların dayandırılmasına çox var, ona görə də sülhməramlılar məsələsi hələlik açıqdır.

Hurriyyet.az xəbər verir ki, bunu Almaniya kansleri Olaf Şolts ZDF telekanalına deyib.

"Biz hələ də atəşkəsdən uzağıq və ona görə də beynəlxalq qoşunların, BMT qoşunlarının və ya orada rol oynaya biləcək başqa bir şeyin olacağı, ümumiyyətlə, bunun baş verib-verməyəcəyi tamamilə məlum deyil", - deyə Almaniya hökumətinin başçısı bildirib.

Onun sözlərinə görə, Avropa Ukraynanı tək qoymamalıdır. Eyni zamanda, Şoltsdan sonra kanslerliyə əsas namizəd olan Fridrix Merz deyib ki, alman əsgərlərinin Ukraynaya gedəcəyini təsəvvür edə bilmir.