“Sərhədlərimizin çox yerində erməni əsgəri yoxdur, müdafiə təşkil olunmayıb” - Balasanyan

“KTMT-nin Ermənistanda missiya yerləşdirməyə hazır olması fonunda, respublika rəhbərliyinin niyə məsələ ilə bağlı qərar qəbul etmə prosesini daim ləngitdiyi aydın deyil”. 

Hurriyyet.az xəbər verir ki, bu sözləri erməni əsilli beynəlxalq ekspert Qriqor Balasanyan müsahibəsində deyib. 

Onun sözlərinə görə, məsələ uzun müddətdir ki,aktualdır, lakin hakimiyyətdəkilər məsələni həll etmək istəmirlər. 

Balasanyanın fikrincə, ya Ermənistanda ölkənin KTMT-yə müraciət etməsinə imkan verməyən üçüncü güc var ki, bu da Azərbaycanın irəliləyişini təmin etmək üçün istifadə edir, ya da bəzi erməni və Azərbaycan dairələri arasında razılaşma var ki, Ermənistan KTMT-yə müraciət etməyəcək. 

“Hərbi-siyasi partnyor strukturunuz sizə deyir ki, müşahidə missiyası gətirin və onu sərhədiniz boyunca yerləşdirin, siz isə yox deyirsiniz, amma eyni zamanda siz Avropa İttifaqının müşahidə missiyasını dəvət edirsiniz, bu da öz növbəsində, sizi ona etibar etməməyə çağırır. 

Bu, sadəlövhlüyün nəticəsi deyil, burada bir tendensiya var, ona görə də belə qənaətə gəlmək olar ki, bütün bu prosesdə bəzi erməni dairələri də iştirak edir”, - söyləyib. 

“Bu fonda avropalı müşahidəçilərlə bağlı hekayə də qəribə görünür. Getdikcə daha çox əmin oluram ki, Avropa İttifaqının Ermənistandakı müşahidəçilərinin tam başqa missiyası var, yəni erməni xalqının sayıqlığını kütləşdirmək və onların təhlükəsizliyi təmin etmək üçün burada olduqlarını göstərmək, ona görə də buna ehtiyac yoxdur. Amma eyni zamanda avropalı müşahidəçilər də çalışırlar ki, onların fəaliyyətindən heç kim xəbər tutmasın”, - bəyan edib. 

“Monitorinq missiyasının rəhbəri deyir ki, bu yaz hərbi əməliyyatlar olmasa, o zaman öz işlərini bitmiş hesab edəcəklər. Bu istehzalı münasibətdir, çünki erməni tərəfi mütəmadi olaraq itirir. Sərhədlərimizin bir çox yerində erməni səgəri yoxdur, quru mühafizəçisi də yoxdur, yerli qüvvələrlə silahlı müdafiə təşkil olunmayıb. Üstəlik, şərait yaradılır ki, sonda günahı KTMT üzərinə atsınlar. Bizim hökumət indi Azərbaycanın bütün tələblərini yerinə yetirir”, - deyə Balasanyan bildirib.

yenisabah.az