Şahruddindən Ramil Şeydayevə dəstək: "Əsl Azərbaycan kişisi" - FOTO

"Qarabağ"ın əsas qapıçısı Şahruddin Məhəmmədəliyev komanda yoldaşı Ramil Şeydayevə dəstək olub.

Hurriyyet.Az xəbər verir ki, 28 yaşlı qolkiper Premyer Liqanın 35-ci turunda keçirilən "Sumqayıt" - "Qarabağ" matçından (2:1) sonra yaşanan xoşagəlməz hadisəylə bağlı "Pressing.az" saytının sosial şəbəkə hesabında edilən paylaşıma şərh yazıb.

Belə ki, həmin oyundan sonra "Sumqayıt"ın legioneri Todor Todoroskiylə Şeydayev arasında baş verən mübahisəyə, "Şah", Ramilə yönəlik "Əsl Azərbaycan kişisi" sözlərini yazıb.

Xatırladaq ki, bu mübahisə Şimali Makedoniya millisinin üzvünün təhqirindən sonra başlayıb. Oyun başa çatdıqdan sonra komandalar paltardəyişmə otağına yollanarkən, Todoroski “azərbaycanlı futbolçular tupoydur” - ifadəsini işlədib. Bunu eşidən Şeydayev “Sumqayıt”ın futbolçusu ilə əlbəyaxa olub.