Sahibə Qafarova Ermənistan parlament sədri Alen Simonyanla görüşüb
2024-03-22 23:17:28
![Sahibə Qafarova Ermənistan parlament sədri Alen Simonyanla görüşüb](/frontend/uploads/miles/alen1.jpg)
Martın 22-də Parlamentlərarası İttifaqın Cenevrədə keçirilən 148-ci Assambleyası çərçivəsində Azərbaycan və Ermənistan parlament sədrlərinin ikitərəfli görüşü baş tutub.
Hurriyyet.az bu barədə Milli Məclisin Media və ictimaiyyətlə əlaqələr şöbəsinə istinadla bildirir.
Görüş Parlamentlərarası İttifaqın təşəbbüsü və vasitəçiliyi ilə təşkil olunub. Aparılmış müzakirələr zamanı Azərbaycan və Ermənistan arasında davam edən sülh danışıqları fonunda iki ölkə parlamentinin sülh prosesinə hansı formada dəstək göstərə biləcəyi məsələlər nəzərdən keçirilib.
Tərəflər parlament səviyyəsində dialoqun aparılması imkanlarını nəzərdən keçirmək barədə razılığa gəliblər.
Görüş konstruktiv mühitdə baş tutub.
Hurriyyet.az
![](/frontend/uploads/files_son/QAZ12.jpg)