“Sabunçu” xəstəxanasından orada ana olan 15 yaşlı qızla bağlı AÇIQLAMA

2022-06-06 13:39:00

“Sabunçu” xəstəxanasından orada ana olan 15 yaşlı qızla bağlı AÇIQLAMA

 

Xəzər rayonu Türkan qəsəbə sakini 14 yaşlı yeniyetmənin iki il əvvəl 28 yaşlı Yalçın adlı şəxslə qeyri-rəsmi nikaha girdiyini, 15 yaşında isə 3 saylı Şəhər Klinik Xəstəxanasında (Sabunçu) ana olduğunu yazmışdıq.

Həmçinin məsələ ilə bağlı Tibbi Ərazi Bölmələrinin İdarəetmə Birliyinə (TƏBİB) sorğu ünvanlamışdıq.

Adıçəkilən qurum həqiqətən də azyaşlının həmin xəstəxanada ana olduğunu təsdiqləyib:

“Nəcəfova Səadət Azər qızı ötən il may ayının 9-da 3 saylı Şəhər Klinik Xəstəxanasına qəbul olunub və 2 kq 300 qram uşaq dünyaya gətirib. Xəstəxanadan rayon polis bölməsinə bu barədə məlumat verilib və sistemdə də var”.

Qeyd edək ki, Daxili İşlər Nazirliyindən saytımıza sözügedən olayın araşdırıldığı deyilib.

Bizim.Media


Ada Studiya

Ailə, uşaq, fərdi, hamilə, cütlük və ad günü çəkilişləri.
Əlaqə: 0557949055
İnstagram: _ada_studio
Tiktok: adastudiya