Sabirabadda avtomobil su kanalına aşıb, xəsarət alanlar var

Sabirabadda avtomobil su kanalına aşıb, xəsarət alanlar var.

"Hurriyyet.az"-ın “Report”a istinadən məlumatına görə, hadisə rayonun Xəlfəli kəndi ərazisində qeydə alınıb.

Belə ki, hərəkətdə olan “Mercedes” markalı avtomobil anidən idarəetmədən çıxaraq yolun kənarındakı su kanalına aşıb.

Qəza nəticəsində ilkin məlumata görə, 4 nəfər xəsarət alıb.

Hadisə yerinə gələn FHN-nin əməkdaşları tərəfindən xəsarət alanlar təxliyə edilərək Sabirabad Rayon Mərkəzi Xəstəxanasına çatdırılıblar.

Faktla bağlı araşdırma aparılır.