Sabiq nazir Əli Nağıyev deputatlar HAQQINDA – “Yaxşıları ilə fəxr edirəm, xarabları isə...”

2022-04-20 12:45:00

Sabiq nazir Əli Nağıyev deputatlar HAQQINDA – “Yaxşıları ilə fəxr edirəm, xarabları isə...”

Azərbaycanın siyasi həyatında, hökumətdə təmsil olunaraq vaxtilə bir sıra vəzifələrdə çalışmış sabiq nazirlərdən bəziləri cəmiyyətlə əlaqələri kəsməyərək ara-sıra mətbuata çıxsa da, bir çoxları kölgəyə çəkilməyə üstünlük verir. Bu mənada sabiq nazirlərin hazırda nə işlə məşğul olduqlaqrını bilmək maraqlı olardı.

Hurriyyet.az xəbər verir ki, Bizim.Media-nın müsahibi sabiq Əmək və Əhalinin Sosial Müdafiə naziri, bir müddət ölkəmizin Belarusda səfiri işləmiş Əli Nağıyevdir.

Müsahibəsində o, hazırda təsərrüfat işləri və mütaliə ilə məşğul olmağa üstünlük verdiyini söylədi.

- Hazırda oturmuşam evimdə. Təsərrüfat işləri ilə məşğul oluram. Evdə, bağda o qədər iş var ki, bacardığım işləri görürəm. Bir də kitab oxuyuram. Kitab oxumağı çox sevirəm. 68 illik ömrümün ən azı 60 ili kitab oxumaqla keçib. Cızma-qara şeyləri oxumuram. Böyük ədəbiyyatdan isə xoşum gəlir. Tolstoyu, Dostoyevskini, Çexovu, Qoqolu, Hüqonu, Balzakın əsərlərini həvəslə oxuyuram. Eyni zamanda, xristianlıq, büddizm, zərdüştlüklə bağlı kitablarla da tanışam. İslam dinilə əlaqədar mollaların yazdığını yox, böyük dəyərli kişilərin, məsələn Hüllerin məşhur əsərlərini oxumuşam.

Fəlsəfə əlaqədar isə Kantın, Şopenhauerin kitabları ilə də tanışam. Azərbaycan ədəbiyyatından, Nizami, Nəsimi, Füzuli, Seyid Əzim, Sabir, Cavid, Müşviqi, Səməd Vurğunu sinə dəftər bilirəm. Hərəsindən azı yarım saat-bir saat əzbər deyə bilərəm.

- Bu gün fəaliyyətdə olan deputatlar və siyasilər barədə nə fikirdəsiniz?

- AzTV və İctimai kanalda gedən “Hədəfə doğru”, “Açıq söz” kimi bəzi ictimai-siyasi verilişlərə baxıram. Fəaliyyətdə olan deputat və siyasilər arasında yaxşıları da var. Onların çıxışlarından ləzət alır, fəxr edirəm ki, milləti bu cür gözəl təmsil edənlər var. Bu yaxınlarda ikisi hətta İrəvana səfər etmişdi. Millətin belə yaxşı oğulları ilə fəxr edirəm. Xarabları isə xarabdır. Belələri də təəssüf ki, hər yerdə var.

- Qarabağda Azərbaycan Ordusunun əldə etdiyi möhtəşəm Zəfərlə bağlı nə kimi düşüncələriniz var?

- Heç şübhəsiz millətimizin tarixində ən böyük nailiyyətlərdən biri də şanlı Ordumuzun qazandığı bu möhtəşəm Zəfərdir. Ölkəmizin ən böyük nailiyyətləri elə də çox deyil. Keçən əsrin əvvəllərində Məhəmməd Əmin Rəsulzadə hansı böyük nailiyyət əldə etmişdisə, bu da elə həmin cərgədə olanlardandır. Ağlı başında olan azərbaycanlı buna başqa cür cavab verə bilməz.


Ada Studiya

Ailə, uşaq, fərdi, hamilə, cütlük və ad günü çəkilişləri.
Əlaqə: 0557949055
İnstagram: _ada_studio
Tiktok: adastudiya