Rusiyanın qazı ilə Nigerin uranı əldən çıxıb - Fransada inflyasiya maksimum həddə çatdı

Hurriyyet.az xəbər verir ki, INSEE milli statistika institutunun ilkin məlumatlarına görə, avqust ayında Fransada inflyasiya 4,8% artıb. İyulda isə bu rəqəm 4,3%-ə bərabər olub.

Fransada inflyasiya cari ilin aprel ayından bəri müşahidə olunur. Fransanın İqtisadiyyat naziri Bryuno Le Merin açıqlamasına görə, yaxın zamanlarda ölkənin pandemiyadan əvvəlki 2% inflyasiya səviyyəsinə qayıdacağı gözlənilmir.

İnflyasiyanın sürətlənməsinin əsas amili enerji daşıyıcılarının 6,8% bahalaşmasıdır. Ekspertlər qeyd edirlər ki, Rusiyadan qaz tədarükünün azaldılması və Fransa AES-lərinin fəaliyyətindəki çatımazlıqlar (atom stansiyalarının işləməsi üçün lazım olan uran maddəsi ilə təmin edən Nigerin yeni rəhbərliyi Fransaya ixracı qadağan edib) fonunda elektrik enerjisi sürətlə bahalaşmaqdadır.

Hürr Tərcüman