Rusiyanın ABŞ ilə diplomatik əlaqələri barəsində qərar veriləcək

Hurriyyet.az TASS informasiya agentliyinə istinadla xəbər verir ki, RF XİN rəhbəri Sergey Lavrov tezliklə ABŞ-a yeni səfir təyin ediləcəyini bildirib.
Lavrov mətbuat konfransındakı çıxışında bildirib ki, Rusiyanın Vaşinqtondakı yeni səfirinin namizədliyi təsdiqlənmə mərhələsindədir. Tezliklə qərar bəyan ediləcək. 
Lavrov deyib: "Mənim fikrimcə, ABŞ-da rəhbərliyə gəlmiş Respublikaçıların administrasiyası da yeni səfirin təyin edilməsində maraqlı olacaqlar".
Hazırda ABŞ-ın Moskvadakı səfirliyinə Linn Treysi rəhbərlik edir.
Bir müddət əvvəl RF Prezidenti V.Putin Anatoli Antonovu Rusiyanın ABŞ-dakı səfiri vəzifəsindən azad edib. Oktyabrın 6-da diplomat Moskvaya qayıdıb.
RF Prezidentinin mətbuat katibi Dmitri Peskov mediaya açıqlamasında yeni səfirin namizədliyinin kimin ABŞ Prezidenti seçiləcəyindən asılı olacağını bildirmişdi.
Hürr Tərcüman