Rusiyalı hakerlər “Avroviziya”nı təhdid etdi

2022-05-14 23:11:00

Rusiyalı hakerlər “Avroviziya”nı təhdid etdi

“Onlayn səs verə bilməzsiniz. DDOS (kiber hücum) sizə bunu etməyə imkan verməyəcək”

Rusiyanın “Killnet” haker qrupu bu il İtaliyada keçiriləcək “Avroviziya” mahnı müsabiqəsində Ukraynanı təmsil edən “Kaluş” orkestrinə veriləcək onlayn səsləri bloklamaq üçün serverləri ələ keçirəcəyini iddia edib.

Davam edən müharibə fonunda Avropanın dəstəklədiyi Ukrayna müsabiqənin də favoritinə çevrilib, rusiyalı hakerlər isə “Telegram” kanallarında paylaşdıqları elanda buna imkan verməyəcəklərini bildiriblər.

“Onlayn səs verə bilməzsiniz. DDOS (kiber hücum) sizə bunu etməyə imkan verməyəcək”, - deyə onlar qeyd ediblər.

Bu təhdiddən sonra açıqlama verən “Avroviziya” sözçüsü mahnı müsabiqəsinin səsvermə sistemini və tamaşaçıların iştirakını kənar təsirlərdən qorumaq üçün hər il müxtəlif təhlükəsizlik tədbirlərinin görüldüyünü qeyd edib, eyni zamanda bu il də həmin tədbirlərin həyata keçirildiyini vurğulayıb.

Öz növbəsində “Kaluş” orkestri “Avroviziya”da qələbənin Ukrayna xalqı üçün böyük mənəvi dəstək olacağını dilə gətirib. Müsabiqənin qalibi bu axşam keçiriləcək finalda müəyyənləşəcək. Xatırladaq ki, Rusiya müsabiqədən kənarlaşdırılıb.

Mənbə: Milliyet.com.tr


Ada Studiya

Ailə, uşaq, fərdi, hamilə, cütlük və ad günü çəkilişləri.
Əlaqə: 0557949055
İnstagram: _ada_studio
Tiktok: adastudiya