Rusiyadan şok Ukrayna etirafı - Yayımladıqdan dərhal sonra sildilər

2022-04-23 11:11:00

Rusiyadan şok Ukrayna etirafı - Yayımladıqdan dərhal sonra sildilər

Rusiyada yayımlanan və Ukraynanın işğalını dəstəkləyən “Readovka” qəzeti Rusiya Müdafiə Nazirliyinin 13 414 hərbçinin öldüyünü, 7 mininin isə itkin düşdüyünü qəbul etdiyini bildirib.

Hurriyyet.az xəbər verir ki, qəzet internet saytında yayımladığı xəbəri qısa müddətdə silib.

Xəbərdə ölən rus hərbçiləri üçün “yerləri doldurulmayan itkilər” ifadəsi işlədilib.

Qəzet onu da yazıb ki, nazirlik Rusiyanın “Moskva” kreyserinin ekipajından 116 nəfərin həlak olduğunu təsdiqləyib. Gəmidə olan 100 nəfərin də itkin düşdüyü bildirilib.

Rusiya nəşri xəbərin sonunda müdafiə nazirinin müavini Aleksandr Fominin bu açıqlamasına yer verib:

“Hazırda döyüşlərin intensivliyi və savaş meydanında cəsədlərin əlçatmaz olması səbəbindən ölənlərin sayını hesablamaq çətindir”.


Ada Studiya

Ailə, uşaq, fərdi, hamilə, cütlük və ad günü çəkilişləri.
Əlaqə: 0557949055
İnstagram: _ada_studio
Tiktok: adastudiya