Rusiyadan Ermənistana pul daşınır – Rekord məbləğ

2022-06-07 09:30:00

Rusiyadan Ermənistana pul daşınır – Rekord məbləğ

Aprel ayı ərzində Ermənistana xarici ölkələrdə şəxsi pul köçürmələri rekorda səviyyəyə - 357,9 milyon dollara çatıb.

Hurriyyet.az xəbər verir ki, bu barədə Ermənistan mediası məlumat yayıb.

Bildirilib ki, bu rəqəm mart ayındakından 105,2 milyon dollar çoxdur.

Pul köçürmələri bütün ölkələrdən azalıb, əvəzində isə Rusiyadan kəskin artıb. Belə ki, ABŞ-dan 4,7 milyon dollar (mart ayı ilə müqayisədə 7,7%), digər ölkələrdən isə 6,9 milyon dollar (mart ayı ilə müqayisədə 9,1% az) az vəsait köçürülüb. Rusiyadan köçürmələr isə 116,8 milyon dollar (iki dəfə çox) artıb.

İllik müqayisədə Rusiyadan köçürmələr fevralda 1,6 dəfə, martda 1,9 dəfə, apreldə isə 3,7 dəfə çox olub.

Erməni mediasının iddiasına görə, Rusiyadan köçürmələrin bu qədər kəskin artmasına səbəb bu ölkəyə tətbiq edilən sanksiyalardır. Belə ki, sanksiyalardan sonra Rusiyadan onminlərlə İT mütəxəssisi çıxıb. Onların bir qismi Ermənistana pul köçürərək, vəsaitlərini bu yolla ölkədən çıxarıblar.

Bunun sübutu kimi ölkədən çıxarılan vəsaitlər göstərilib. Belə ki, aprel ayında Ermənistandan 150,7 milyon dollar xarici ölkələrə çıxarılıb – bu rəqəm ötən ilin eyni dövrü ilə müqayisədə 56,9 milyon dollar çoxdur.

Mart ayında isə Ermənistandan pul çıxarılması rekord səviyyədə olub – 162,1 milyon dollar.

Erməni mediası bunu həmin ərəfədə Ermənistana gələn onmunlərlə rusiyalı ilə izah edir.


Ada Studiya

Ailə, uşaq, fərdi, hamilə, cütlük və ad günü çəkilişləri.
Əlaqə: 0557949055
İnstagram: _ada_studio
Tiktok: adastudiya