Rusiyada Putinə dəstək çağırışı edildi

Rusiyada vəziyyət günbəgün daha da ağır və qeyri-müəyyən vəziyyətə düşür. Maraqlıdır ki, bu günlərdə Rusiyanın Federal Təhlükəsizlik Bürosunun (FSB) direktoru Aleksandr Bortnikov sosial şəbəkələr vasitəsilə ruslara müraciət edib. Müraciət "Siloviki.ru" teleqram kanalında yayımlanıb. Müraciətdə deyilir:
Vətənini həqiqətən sevən əsl ruslara müraciət edirəm!
Vladimir Putin Rusiyanı Amerika və Avropanın təsirindən çıxarır. Özü də oliqarxların təsirindən çıxmaqdadır. Proses gedir.
Bu, Qərbin maraqlarına uyğun gəlmir. Bu, ölkəmizdə də bəzi insanların işinə yaramır. Putinin çoxlu düşmənləri var.
Dövlət çevrilişinə hazırlıq gedir. Putinin devrilməsi hazırlanır. Amerika bunun üçün heç bir məsrəfdən çəkinmir və ölkədə də buna hazır olan insanlar var.
İndi ölkədə Rusiyaya və Putinə qarşı informasiya müharibəsi gedir. Bu müharibənin bir tərkib hissəsi də düşünülmüş şəkildə ruslar arasında ölkədə baş verənlərə mənfi münasibət yaratmaq, Putinin siyasətindən narazılıq oyatmaq cəhdidir. Narazı insanlar çevrilişə daha çox dəstək verirlər.
Biz artıq dövlət çevrilişlərinin və prezidentlərin devrilməsinin necə sonuclandığını bilirik. Ən yeni nümunə Ukraynadır. Maydan sadəcə prezidenti dəyişmək istəyirdi, nəticədə isə bütün ölkə “Maydana çevrildi”.
Bizim seçimimiz var: Rusiya prezidentini dəstəkləmək, dövləti qorumaq, sülhü və sabitliyi qorumaq, Rusiyanın suverenliyini və müstəqilliyini qorumaq. İndi əsas məsələ budur.
Vəziyyət çox kəskindir. Biz dözüb davam gətirsək - həyat yaxşılığa doğru dəyişməyə başlayacaq. Yox, bunu bacarmasaq - bu o deməkdir ki, küçələrimizdə iğtişaşlar, qarətlər, qətllər, müdafiəsiz qaldığımızı, çarəsizliyimizi görəcəyik.
Ayıq olun, ruslar, ölkəmizi “Maydana” çevirmək olmaz. Övladlarımız, nəvələrimiz sonradan bizə minnətdar olacaqlar.
Rusiyanı qoruyun, Rusiya birdir və başqa Rusiya yoxdur ...
Rusiya və Ukrayna vətəndaşlarına müraciət!
Hörmətli həmvətənlər, vətəndaşlar, dostlar!
Bir çoxunuz nə baş verdiyini və Ukrayna ərazisində davam edən hərbi əməliyyatları necə qəbul etmək gərəkdiyini başa düşmürsünüz.
Hər tərəfdən ziddiyyətli, əsasən "saxta" məlumatlar gəlir. Gəlin baş verənlərin mahiyyətini izah etməyə çalışaq.
1. Rusiya orsuduna Rusiya və Ukrayna əhalisini Ukrayna Silahlı Qüvvələrinə dəymiş ziyanı və həlak olan əsgərlərini əks etdirən video və fotoşəkillərlə qəzəbləndirməmək üçün foto və video çəkilişlər qadağan edildi.
Ona görə də hazırda internet şəbəkəsində olan hər şeyi əsasən hər kiçik qələbədən, hər qəzalı yük maşınına ilişən Ukrayna Silahlı Qüvvələri lentə alır. Hücumun miqyasını və qaynar nöqtələrin sayını nəzərə alsaq, onların öyünəcəkləri xüsusi heç nəyi yoxdur.
Hər bir halda, başa düşdüyünüz kimi, bizim tərəfdən də itkisiz mümkün olmayacaq, bunu başa düşmək və qəbul etmək lazımdır.
Bunlar hərbi əməliyyatlardır və oraya təkcə peşəkar hərbçilər deyil, həm də mülki şəxslər cəlb olunur.
2. Putinə münasibətiniz necə olursa olsun, indi siyasi və hərbi rəhbərliyimizin anlayışınıza və mənəvi dəstəyinizə ehtiyacı var!
Müharibə böyük faciədir, amma itirilmiş müharibə fəlakətdir!
  Bu çətin zamanda ordumuzun məğlubiyyətini arzulamaq, Putinə və hərbi əməliyyata qarşı təbliğat aparmaq, məğlubiyyət əhval-ruhiyyəsi yaratmaq, sanksiyalardan sızlamaq, panikaya düşmək xəyanətə bərabərdir, bunun üçün tezliklə cavab verməli olacaqsınız.
Hərbi əməliyyata başlamaq qərarı asan olmadı, amma bizə, ölkə və Ordu rəhbərliyimizə inanın, bütün hərəkətlər ən xırda təfərrüatlara qədər dəqiq planlaşdırılmış, hesablanmış və götür-qoy edilmişdir.
Və bu hərbi əməliyyat yalnız bir məqsədlə başladı - Rusiyanın və qardaş Ukrayna xalqının müdafiəsi naminə!
Qərar verilib!
Artıq heç nəyi dayandırmaq mümkün deyil, indi hamımız bir qayıqdayıq.
Bütün nəticələri daha sonra "ortaya tökəcəyik", amma indi bizə QƏLƏBƏ lazımdır!. Hətta bunun üçün Rusiya ordusunun indi istifadə etdiyindən daha ağır silahlardan istifadə etmək lazım gələcək.
3. Anlayın, bu, “saraylar, banklar və ayrı-ayrı şəxslərin imtiyazları uğrunda müharibə deyil, bu, tarixi ədalət və öz təhlükəsizliyiniz uğrunda müharibədir! Rusiya həmişə Ukraynaya dost olub. SSRİ dağılandan bəri Rusiya həmişə Ukraynaya kömək edib: imtiyazlar, güzəştlər, digər ölkələrə nisbətən daha ucuz satılan resurslar, sərfəli kreditlər verdi. Rusiya Ukraynaya qardaş ölkə kimi yanaşırdı. Bəs Ukrayna (onun rəhbərliyi) bunun əvəzində nə etdi? Onu etdi ki, Rusiya ilə qarşıdurmaya yönəlmiş hərbi qurum olan NATO-ya qoşulmaq istədi. Hansı ki, son sənədlərində NATO Rusiyanı düşmən elan etmişdi.
Bu əsl xəyanətdir, arxadan vurulan bıçaqdır. Ukrayna niyə Amerika hərbi bazalarını və silahlarını əvvəlcə Krımda, sonra Rusiya ilə sərhəddə yerləşdirmək istəyib?
Ukrayna millətçilərinin könlünü xoş etmək niyə lazım idi?
Orada 20% -dən çox əhali yoxdur və onlar əsasən Ukraynanın qərb bölgələrində, keçmiş Qalisiyada cəmləşib, hansı ki, nə "muskovitlər", nə də yeri gəlmişkən, ukraynalılarla heç bir əlaqələrinin olmasını istəmirlər. Ukrayna əhalisinin qalan 80%-i həmişə Rusiya ilə dostluq və tərəfdaşlıq istəyib.
4. Sanksiyalarla bağlı vəziyyətə ayrılıqda aydınlıq gətirmək istərdim. Rusiya kimi sərvətlərlə zəngin ölkə müstəqilliyə can atmalıdır, biz heç kimdən, xüsusən də potensial düşmənimizdən asılı olmamalıyıq. Ona görə də gələcəkdə bütün sanksiyalar və qadağalar hətta öz iqtisadiyyatımızın inkişafı üçün faydalıdır və özünü tam təmin etməyə töhfəsini verir.
Hörmətli həmvətənlər, əgər vətəniniz (Rusiya və Ukrayna) sizin üçün əzizdirsə, gələcəyinizi onunla bağlayırsınızsa, burada yaşayıb övladlarınızı, nəvələrinizi böyütmək niyyətindəsinizsə, səbr və lazımi vətənpərvərlik nümayiş etdirin, ordumuza və Rusiya rəhbərliyinə dəstək olun!
Hərbi əməliyyatda iştirak edən rus əsgər və zabitlərinə cəsarət və şücaət arzulayırıq!
Unutmayın, biz sizi dəstəkləyirik, sizin üçün narahat oluruq, Möhtəşəm Missiyanızın uğurla başa çatması üçün dua edirik və ailənizin və dostlarınızın yanına Qələbə ilə qayıtmağınızı səbirsizliklə gözləyirik! Rus ordusuna eşq olsun!

Hazırladı: Ülviyyə