Rusiyada mərkəzdənqaçma meylləri start götürür-federal subyektlər müstəqil milli siyasətə doğru addımlayır

2022-12-07 14:12:00

Rusiyada mərkəzdənqaçma meylləri start götürür-federal subyektlər müstəqil milli siyasətə doğru addımlayır

Rusiya-Ukrayna müharibəsi fonunda əvvəllər təzahür etməyən bəzi hallar gün üzünə çıxmağa, özünü daha parlaq biruzə verməyə başladı. Belə ki, Tatarıstanın rəhbəri Rüstəm Minnixanov və Ramzan Kadırovun ardınca Dağıstan Respublikasının başçısı Sergey Melikov da müstəqil milli siyasət yürütməyə başlayıb.
Məlum olduğu kimi o, bu yaxınlarda Azərbaycan Prezidenti İlham Əliyevlə görüşüb. Görüşdə qarşılıqlı tərif və hədiyyələrlə yanaşı, “Azərbaycan və Dağıstan xalqları arasında tarixi bağların mövcud olduğu və indiki mərhələdə bu əlaqələrin daha da möhkəmləndiyi” vurğulanıb.

Görüşdə Azərbaycan Prezidentinə görkəmli dövlət xadimi və ictimai xadim Əziz Əliyevin vaxtılə iş otağında olan heykəltəraşlıq əsəri təqdim edilib.

Qeyd edək ki, Əziz Əliyev 1942-1948-ci illərdə Dağıstana rəhbərliyi dövründə digər Qafqaz xalqları kimi, Dağıstan xalqına qarşı da nəzərdə tutulmuş sürgünün qarşısını almışdı. Buna görə Dağıstan ağsaqqalları adından ona tərkində uşaq olan atlının əks olunduğu heykəltəraşlıq əsəri hədiyyə edilib. Bu əsər bundan sonra Prezident İlham Əliyevin iş otağında olacaq.

Həmçinin, Prezident İlham Əliyev Azərbaycan Respublikası ilə Rusiya Federasiyası, o cümlədən Azərbaycan və Dağıstan xalqları arasında dostluq əlaqələrinin inkişafında səmərəli fəaliyyətinə görə Dağıstan Respublikasının rəhbərinin müşaviri Maqomed Səidoviç Qurbanova təltif olunduğu “Şöhrət” ordenini təqdim edib.

Əlbəttə ki, bütün bunlar təsadüf deyil. Xatırladaq ki, Azərbaycan da Türkiyə kimi Ukraynaya fəal kömək edir. Görünür Ukraynaya müdaxilənin Rusiyanın sonunu gətirməyə rəvac verməkdə olduğunu "zorakı yapışdırılmış" federativ subyektlər sezməkdədirlər. Və Rusiyanın perspektiv məğlubiyyəti Kremldən mərkəzdənqaçma meyllərini gücləndirməkdədir. 

Gec-tez dünyanın ədalət tərəzisində daşlar öz yerinə oturur. Əminik ki, Azərbaycandan qoparılan can parçaları doğma məkana qayıdacaq.

Ülviyyə, Hurriyyet.az


Ada Studiya

Ailə, uşaq, fərdi, hamilə, cütlük və ad günü çəkilişləri.
Əlaqə: 0557949055
İnstagram: _ada_studio
Tiktok: adastudiya


Load Time (S) : 0.151627