Rusiya üçün Zəngəzur dəhlizi ilə Şimal-Cənub dəhlizi rəqibdirlərmi? - Şoyqunun açıqlaması

Hurriyyet.az xəbər verir ki, Zəngəzur Dəhlizi Şimal-Cənub Beynəlxalq Nəqliyyat Dəhlizi ilə rəqabət aparmayacaqlar. 
Rusiya Təhlükəsizlik Şurasının katibi Sergey Şoyqu bu gün bildirib ki, Zəngəzur Dəhlizi ilə Şimal-Cənub Beynəlxalq Nəqliyyat Dəhlizi bir-birinə rəqib deyil, əksinə bir-birini tamamlayır. Şoyqu bu açıqlamanı MDB Təhlükəsizlik Şurası katiblərinin 13-cü iclasından sonra verib.
Şoyqu hər iki marşrutun strateji əhəmiyyət kəsb etdiyini, eyni zamanda onların bir-birini tamamladığını deyib: "Hesab edirəm ki, hər iki yolun mövcud olmaq hüququ var. Həmçinin, bu yollar Azərbaycanı onun regionları ilə birləşdirmək və ölkələr arasında ticarət üçün nəqliyyat dəhlizləri yaratmaq üçün lazımdır".
Şoyqu deyib: "Şimal-Cənub Beynəlxalq Nəqliyyat Dəhlizi Hind Okeanının limanlarını Şimal Dəniz Yolu ilə birləşdirir və bunda heç bir problem yoxdur. Burada da rəqabət yoxdur: bəziləri dolayı yolla gedəcək, digərləri isə ən qısa yolu seçəcək.
Rusiya inkişaf etmiş nəqliyyat şəbəkəsinə malik geniş bir ölkədir və istənilən yol həmişə yaxşıdır".
Hürr Tərcüman