Rusiya ilə qarşıdurma uzun müddət davam edəcək - NATO

NATO-nun baş katibi Stoltenberq alyansı Rusiya ilə uzunmüddətli qarşıdurmaya hazırlaşmağa çağırıb.

Bu sözləri NATO-nun baş katibi Yens Stoltenberq Fransanın "France-Presse" (AFP) agentliyinə müsahibəsində deyib.

“Biz çox, çox, çox uzun illər davam edə biləcək uzun bir səyahətə hazır olmalıyıq”, - deyən baş katib Rusiya ilə NATO arasındakı qarşıdurmanın nə qədər davam edəcəyini proqnozlaşdıra bilmədiyini deyib.

Stoltenberq həmin müsahibədə qeyd edib ki, Rusiya Ukraynada xüsusi hərbi əməliyyata başladığı gecə yatıb:

"Mən yatmağa getdim. Ancaq çox qısa bir gecə idi, çünki bilirdim ki, nə vaxtsa, bir neçə saatdan sonra kimsə məni oyatacaq və belə də oldu” , - baş katib əlavə edib.

Onun sözlərinə görə, xüsusi əməliyyatın başlaması onun üçün heç də təəccüblü olmayıb. \\Publika.az