Rus ordusu niyə Kiyevi hədəfə almır? - Jdanovdan ŞOK İDDİA

Ukraynaya qarşı genişmiqyaslı müharibə başlayandan bəri Rusiya hökumət məhəlləsinin yerləşdiyi Kiyevin mərkəzini vurmayıb.

Hurriyyet.az Teleqraf.com-a istinadla xəbər verir ki, bunu ukraynalı hərbi ekspert Oleq Jdanov deyib.

Onun sözlərinə görə, Kiyevin tarixi mərkəzi Rusiyanın “özününkü” hesab etdiyi və oğurlamağa çalışdığı tarixin əsasını daşıyır.

“İkinci məqam ondan ibarətdir ki, orada hər şey Kiyevə nüvə hücumu gözləntiləri ilə tikilib. Ona görə də oradakı bombalar bomba deyil, heç bir problemi həll etməyəcək”, - ekspert bildirib.

Jdanov buna görə də rus ordusunun sənaye zonaları və ya infrastruktur obyektlərinə zərbə vurmaqla kifayətləndiyini söyləyib: “Orta güclü nüvə zərbəsi üçün nəzərdə tutulmuş obyektlər varsa, məsələ başqalaşır”.
Bundan əvvəl Ukrayna Silahlı Qüvvələrinin Hərbi Hava Qüvvələri Kiyevin son müdafiəsi zamanı cəmi 11 dəqiqə ərzində şəhərin səmasında yeddi rus təyyarəsinin vurulduğunu açıqlayıb.