RF XİN: “Aİ-nin fəaliyyəti getdikcə daha çox antazərbaycan xarakteri alır”

Hurriyyet.az xəbər verir ki, bu sözləri Rusiya Federasiyasının xarici işlər nazirinin müavini Mixail Qaluzin “News.ru” portalına müsahibəsində deyib. O, Aİ-nin Ermənistandakı müşahidə missiyasının faktiki olaraq, NATO-ya üzv ölkələrin şübhəli məqsədlərlə yaratdıqları yarıhərbi Qərb əməliyyatına çevrildiyini söyləyib.  
Qaluzin Ermənistandakı Aİ missiyasından danışarkən deyib: “İşçi heyəti artıq azı iki dəfə artırılıb və yeni dayaq məntəqələri açılır. Bu yaxınlarda İrəvana Aİ-nin mövcudluğunun statusu haqqında saziş imzalandı və bu razılaşma missiyaya Ermənistan ərazisində ən əlverişli fəaliyyət rejimi azadlığı verdi.
Missiyanın Aİ-nin hibrid müharibəsinin aləti olması faktını onun məxfiliyi, nə Ermənistan, nə də Azərbaycan tərəfininin, nə də digər maraqlı ölkələrin və ya strukturların  nəzarətində olmaması təsdiqləyir. Missiya açıq-aşkar təxribat xarakterli fəaliyyət göstərir, tamamilə antirusiya təbliğatı ilə məşğul olur, Ermənistan cəmiyyətinə Avropa İttifaqının Ermənistan üçün “təhlükəsizlik və firavanlıq mənbəyi” olması barədə yanlış fikirlər aşılayır. Üstəlik, Aİ-nin fəaliyyəti getdikcə daha çox antiazərbaycan və antiiran xarakteri alır".
Əgər uzunmüddətli regional təhlükəsizliyin, sabitliyin və sosial-iqtisadi inkişafın təminatı vəzifələrindən danışırıqsa, o zaman qərblilərin regionu hərbiləşdirmək, Aİ və NATO-nun oradakı hərbi-siyasi təsirini genişləndirmək planları bununla qətiyyən uyğun gəlmir.
Cənubi Qafqazın çiçəklənməsinin açarı inklüziv dialoqdur, xüsusən də yaranan problemlərə “3+3” konsultativ regional platforması çərçivəsində kollektiv cavabların axtarışı və regiondankənar qüvvələrin geosiyasi diktələrinə qarşı mübarizədədir". 
Hürr Tərcüman