Qurban Qurbanov: “Napoli ilə matç çətin olacaq, amma özümüzə güvənirik”

“Qarabağ” klubunun baş məşqçisi Qurban Qurbanov UEFA Çempionlar Liqasının Liqa mərhələsində "Napoli" ilə qarşılaşmadan əvvəl mətbuat konfransında fikirlərini bölüşüb.

O, matçın çətin olacağını etiraf edib:
“Biz gözəl şəhərdəyik, böyük tarixə malik komandaya qarşı oynayacağıq və onların baş məşqçisi də güclüdür. Bu oyun çətin olacaq, amma biz də hazırlaşmışıq və ümid edirik ki, yaxşı oyun göstərəcəyik,” – deyə Qurbanov bildirib.

Baş məşqçi komandasının ambisiyalarından danışaraq əlavə edib:
“Hədəfimiz dəyişməzdir. Nəticədən asılı olmayaraq hər anın dadını çıxarmaq istəyirik və özümüzə güvənirik.”

Qurbanov uzun müddət bir klubda qalmağın çətinliyinə toxunub:
“Bir komandada uzun illər işləmək asan deyil. Bu klub ölkəmiz üçün çox önəmlidir və mən bu ailədə olduğum üçün həmişə xoşbəxtəm.”

O, həmçinin "Napoli" stadionunda Maradonanın xatirə günü oynamağın motivasiya verdiyini bildirib:
“Bu, mənim üçün böyük motivasiyadır. Antonio Konte üçün də belədir və bu, oyuna əlavə ruh qatacaq. Biz də bunu istifadə edərək yaxşı oyun nümayiş etdirməyə çalışacağıq.”

Qurbanov hücum strategiyasına da toxunub:
“Qol vuran qalib gəlir, amma hücumda güclü olmaq istəyiriksə, müdafiədə də güclü olmalıyıq. Böyük komandalarla oynayarkən adətən müdafiədə olurlar, amma biz qorxmamalı və daha çox qol vurmalıyıq.”

Səyahət zamanı futbolçulara azad vaxt verilməsinin səbəbini izah edərkən isə bildirib:
“Hər dəfə səyahət edərkən futbolçulara bir neçə saat azad vaxt veririk, xüsusən belə gözəl şəhərlərdə. Bu bizim üçün problem deyil.”

Qurbanov matçın çətinliyini yekun olaraq belə qiymətləndirib:
“Biz bilirik ki, "Napoli" qələbə qazanmaq istəyir, amma biz konsentrə olunmalı və cəsarətli olmalıyıq, nəticədən asılı olmayaraq.” \\Offsideplus.az