Qırğızıstan Prezidenti ABŞ-a ölkənin daxili işlərinə qarışmamağı tövsiyə edib
![Qırğızıstan Prezidenti ABŞ-a ölkənin daxili işlərinə qarışmamağı tövsiyə edib](https://cdn.minval.az/2021/12/sadir-japarov-1-1024x683.jpg)
Hurriyyet.az TASS informasiya agentliyinə istinadla xəbər verir ki, Qırğızıstan Prezidenti Sadır Japarov ABŞ və digər dövlətləri ölkənin daxili işlərinə qarışmamağa və respublikada baş berən prosesləri obyektiv qiymətləndirməyə çağırıb.
Japarov deyib: "Biz bərabərhüquqlu əməkdaşlıq tərəfdarıyıq və ABŞ da daxil olmaqla, bütün ölkələrlə və beynəlxalq tərəfdaşlarla birgə işləməyə hazırıq. Mənim yeganə xahişim — ölkəmizin daxili işlərinə qarışmamağınızdır".
Bu bəyanat ABŞ dövlət katibi Entoni Blinkeninin Qırğızıstanın dövlət başçısı ilə bağlı açıqlamasının cavabı olub.
Fevralın 11-də Qırğızıstanın xarici işlər naziri Jeenbek Kulubayev ABŞ-ın Bişkekdəki səfiri Lesli Vieqri ilə görüşüb və Qırğızıstanda vətəndaş cəmiyyəti ilə bağlı narahatlığını ifadə eləmiş ABŞ dövlət katibinə cavabı təqdim edib.
Hürr Tərcüman
![](/frontend/uploads/files_son/QAZ12.jpg)