Qəza, yoxsa ürəyinə yığdığın dərdlər yaşamağa qoymadı səni?! – ELDAR SABİROĞLU OQTAY ƏLİYEVİN VƏFATI HAQDA
2023-03-23 23:35:00
Oqtayın ölümü məni çox sarsıtdı. Dünəndən özümə yer axtarırdım ki, dolan gözlərimi boşaldım. Nəhayət, indi məqam gəldi və onunla İrəvanda keçirdiyimiz gənclik illərini xatırlaya-xatırlaya göz yaşları içərisində bu yazını yazdım.
Nə deyim sənə ay Oqtay, necə deyim sənə gəl vidalaşaq. Axı nə ürəyim, nə dilim gəlmir ki, sənə desin: "Vaxtsız-vədəsiz səni əbədi dünyana doğru yol almağa məcbur edən nə oldu, sadəcə qəzamı, yoxsa zamanın ürəyinə yığdığı dərdlər yaşamağa qoymadı səni".
Bilirdim ki, özgə dərdləri köksünə alıb o kövrək ürəyi az ağrıtmadın. Bu da son!!!
Eldar SABİROĞLU