Qardaş ölkədən ÜZÜCÜ XƏBƏR - Çox sayda yaralı var
2025-02-16 23:53:59
Türkiyənin Təkirdağ şəhərinin Muradlı rayonunda fabrika işçilərini daşıyan xidməti mikroavtobusun aşması nəticəsində 25 nəfər yaralanıb.
Bu barədə İHA məlumat yayıb.
“Qəza saat 15:30 (Bakı vaxtı ilə 16:30 – red.) radələrində Muradlı – Böyükqarışdıran şosesində kimya zavodu yaxınlığında baş verib. İddiaya görə, boyaxananın işçilərini daşıyan sərnişin mikroavtobusu yağışlar səbəbindən sürüşkən olan yoldan çıxaraq aşıb. Qəza nəticəsində sürücü və avtobusdakı 24 işçi yaralanıb”, – agentliyin məlumatında qeyd olunub.
Bildirilib ki, məlumat əsasında hadisə yerinə altı təcili yardım və iki yanğınsöndürən maşını göndərilib. \\Ölkə.az
