"Qalatasaray" Ramos və Verrattinin ardınca daha bir məşhur üçün hərəkətə keçdi
2023-08-26 20:11:18
Türkiyənin "Qalatasaray" klubunun transfer siyahısı məşhur adlarla zəngindir.
İstanbul təmsilçisi PSJ-dən ayrıldıqdan bəri klubsuz olan Serxio Ramos və sözügedən klubda çıxış edən Marko Verrattinin ardınca daha bir tanınmış oyunçuya "qarmaq atıb".
Belə ki, "Cim-bom" "Fiorentina"nın yarımmüdafiəçisi Sofyan Amrabat üçün hərəkətə keçib. QS rəhbərliyi 27 yaşlı mərakeşli oyunçu üçün qarşı tərəflə danışıqlar aparır. Məlumata görə, artıq ilkin razılıq əldə olunub.
Futbolçunun qardaşı Nordin Amrabat da onun Türkiyə Super Liqasında oynamaq təklifinə müsbət yanaşdığını bildirib. \\Offsideplus.az
