Putin: "Qərb Gürcüstanın işlərinə qarışır", "Meydana çıxanlar onların havasına oynayırlar"

Hurriyyet.az "Vestnik Kavkaza" portalına istinadla xəbər verir ki, RF Prezidenti Vladimir Putin Rusiyanın Gürcüstanın işlərinə qarışmadığını bəyan edib, eyni zamanda Qərbin rəsmi Tbilisinin siyasətinə müdaxilə etdiyini söyləyib.
Bununla yanaşı, Putin Rusiyanın Gürcüstanla təmaslarının olduğunu, hər iki ölkənin bir-birinə qarşılıqlı təsir göstərdiyini də deyib.
Rusiya Prezidenti Qərbi Gürcüstanın daxili işlərinə qarışmaqda ittiham edib və aydın təsəvvür əldə etmək üçün xaricdən maliyyələşdirilən QHT üzvlərinin sayına baxmağı təklif edib.
Putin deyib: "Sadəcə, buna obyektiv şəkildə baxın. Bu ki, yarıaçıq informasiyadır. O zaman hər şey aydın olur. Pulunu verən musiqini sifariş edir. Onlar isə bunu meydanlarda ifa edirlər. Ona görə də müdaxilə var".
Hürr Tərcüman