Putin Monqolustan liderini getdikcə böyüyən ittifaqa dəvət edib

Hurriyyet.az xəbər verir ki, RF Prezidenti Vladimir Putin Monqolustan lideri Uxnaaqiyn Xurelsuxu Kazan şəhərində keçiriləcək XVI BRİKS sammitinə dəvət edib. Dəvət qəbul edilib.
Putin BRİKS təşkilatının genişlənməsindən sonra ilk dəfə belə səviyyəli tədbir keçirildiyini bildirərək deyib: "BRİKS+ formatında iştirak edəcəyinizə ümid edirik. Sizi gözləyirik".
Xurelsux dəvəti qəbul edib. Forumun 22-24 oktyabr tarixlərində Tatarıstanın paytaxtında keçirilməsi planlaşdırılıb.
Bu gün RF Prezidentinin Ulan-Batora dövlət səfəri başa çatıb. Son 5 il ərzində ilk dəfədir ki, Putin Monqolustana səfər edib.
Hürr Tərcüman