Prezident Ərdoğanın baş müşaviri növbədənkənar seçkilərlə bağlı açıqlama verib
2024-04-01 11:31:45
Hurriyyet.az xəbər verir ki, Türkiyə Prezidenti R.T.Ərdoğanın baş müşaviri Mehmet Urumçi dövlət başçısının səlahiyyət müddətinin başa çatacağı 2028-ci ilə qədər hakimiyyətin növbədənkənar seçkilər keçirməyi planlaşdırmadığını bəyan edib.
Urumçi X şəbəkəsində yazıb: "Bələdiyyə seçkilərində qazandıqları səslərə arxalanaraq (növbədənkənar - red.) ümumi seçkilərlə bağlı plan quranlar məncə boş yerə səy göstərməsinlər.
Türkiyə 2028-ci ilə qədər 4 illik seçkisiz dövrdə hər sahədə islahat siyasətini həyata keçirəcək. Prezident Ərdoğan öz rəhbərliyi ilə müstəil və güclü Türkiyə perspektivinə bağlı şəkildə Türkiyənin yeni mərhələlərə keçidinə başçılıq edəcək. Heç kimin şübhəsi olmasın".
Hürr Tərcüman
