PKK-nın “Atəşin Övladları” qruplaşması: “Türkiyədə yanğınları biz törətdik”
Hurriyyet.org xəbər verir ki, PKK terror təşkilatının “Ateşin Çocukları İnisiyatifi” – “Atəşin Övladları Təşəbbüsü” adlanan şaxəsi Türkiyənin cənubunu öz cənginə almış meşə yanğınlarını törətdiyini etiraf edib.
Etiraflar PKK ilə bağlı olan sosial media hesablarında verilib: “Atəşin Övladları Türkiyənin turizm bölgələrindəki təxribatların məsuliyyətini öz üzərinə götürür: Türkiyə rejimi başqa bir dildən başa düşənə qədər atəş seli ilə onların diz çökdürməyin vaxtı çatıb”.
Karayılan təlimat vermişdi
1990-cı illərdən bəri meşə təxribatlarından terror aktı kimi istifadə edən PKK, illər boyunca çox sayda yanğın törədib. Ötən il Türkiyənin Hatay rayonunda baş vermiş və böyük zərərə səbəb olmuş yanğınları PKK-nın “Atəşin Övladları Təşəbbüsü” öz üzərinə götürmüşdü. PKK başçısı Murat Karayılan da 2020-ci ildə “Meşələri yandırın” göstərişi vermişdi.
Hataydakı meşə yanğını ilə bağlı istintaqa davam etdiyi zaman PKK rəhbərlərindən Murat Karayılanın meşələri yandırmaq təlimatı verdiyi ortaya çıxmışdı. Karayılan “2-3 gənc birləşərək akt törədə bilər. “Silahımız yoxdur” deyə bilərlər. Silahlarınız çaxmaq və kibrit olsun”.