Paşinyan KTMT-yə rədd cavabı verib

Hurriyyet.az xəbər verir ki, Ermənistanın Baş naziri Nikol Paşinyan KTMT-nin noyabrın 23-də Minskdə keçiriləcək iclasında iştirak eləməkdən imtina edib.

Ermənistanın Nazirlər Kabinetinin açıqlamasında deyilir: “Belarus tərəfinin təşəbbüsü ilə Baş nazir Nikol Paşinyan ilə Belarus Prezidenti Aleksandr Lukaşenko arasında telefon söhbəti olub. KTMT-nin Kollektiv Təhlükəsizlik Şurasının noyabrın 23-də Belarusun paytaxtı Minsk şəhərində keçiriləcək iclasının təşkili ilə bağlı məsələlər müzakirə edilib. Baş nazir Paşinyan iclasda iştirak edə bilməyəcəyini Belarus Prezidentinə xəbər verib və KTMT-dən olan tərəfdaşların bu qərara anlayışla yanaşacaqlarına ümidvar olduğunu bildirib”.

Hürr Tərcüman