Özbəkistanda etiraz aksiyaları başlayıb - FOTO

Özbəkistanın tərkibində olan Qaraqalpaqıstan Respublikasının sakinləri regionu mövcud suverenliyindən məhrum edəcək əlavə və dəyişikliklərə qarşı mitinqə çıxıblar. 

Ölkə konstitusiyasına edilən əlavə və dəyişikliklər bu etirazlara səbəb olub. Dəyişikliklərlə ölkənin əsas qanununun 70-75-ci maddələrinə edilən düzəlişlər regionunun suverenliyini və Özbəkistandan ayrılmaq hüququnu itirməsi ilə nəticələnir.

Xatırladaq ki, Qaraqalpaqıstanın suverenliyi haqqında bəyannamə 1990-cı ildə qəbul edilib. 

1993-cü ilin əvvəlində dövlətlərarası müqavilə imzalanıb və ona əsasən Qaraqalpaqıstan Respublikası Özbəkistan Respublikasının tərkibinə daxil olub.

Muxtariyyət ərazisi ölkə ərazisinin üçdə birindən çoxunu təşkil edir, lakin burada iki milyondan az insan yaşayır.

Haqqın.az